ՎՍՀ-ում Հայաստանի Հանրապետության դեսպան Վահրամ Կաժոյանի և Հո Չի Մին քաղաքի Ժողովրդական կոմիտեի նախագահ (քաղաքապետ) պարոն Նգույեն Թան Ֆոնգի միջև հանդիպում:

02 հունիսի, 2020

Հունիսի 1-3-ը ՎՍՀ-ում ՀՀ դեսպան Վահրամ Կաժոյանն այցելեց Հո Չի Մին քաղաք, ուր կայացան մի շարք պաշտոնական հանդիպումներ.

Հունիսի 2-ին ՎՍՀ-ում ՀՀ դեսպան Վահրամ Կաժոյանը հանդիպեց Հո Չի Մին քաղաքի Ժողովրդական կոմիտեի նախագահ (քաղաքապետ) պարոն Նգույեն Թան Ֆոնգի հետ:

Զրուցակիցներն անդրադարձան հայ-վիետնամական հարաբերությունների ավանդական բարեկամության վրա հիմնված պատմությանը, ինչպես նաև այդ հարաբերությունների զարգացմանն ուղղված քայլերին։

Քաղաքապետը ներկայացրեց Հո Չի Մինի տնտեսությունը և դրա այսօրվա պահանջարկները։ Հո Չի Մինը զբաղեցնելով երկրի միայն 0,6 տոկոս տարածություն տալիս է ամբողջ Վիետնամի ՀՆԱ 25 տոկոսը և տուն է հանդիսանում 10 մլն բնակիչների։ Դեսպան Կաժոյանն առաջարկեց քննարկել Գյումրի քաղաքի հետ համագործակցության համաձայնագրի ստորագրման հնարավորությունը՝ քույր քաղաքներ դառնալու նպատակով։ Քաղաքապետ Նգույեն Թան Ֆոնգն առաջարկն ընդունել է հետաքրքրությամբ և հանձնարարել է նախապատրաստել համապատասխան Համաձայնագրի տեքստը՝ հաստատման նպատակով։ Քաղաքապետ Ֆոնգը նույնպես ողջունեց քաղաքների միջև պաշտոնական, գործարար, մշակությաին պատվիրակությունների փոխանակումները։ Քաղաքապետ Ֆոնգը նաև իր աջակցությունը հայտնեց Հո Չի Մինում ՀՀ պատվավոր հյուպատոսի գրասենյակի հիմնադրմանը։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր